مصطفى كرم // الوهم

**** الوهم ****

لما تتعالي عليا وتتكبري

يبقي ملكيش أى احترام

لما أمد أيدي بالمحبة

وترفضي حتي السلام

لما أحب العمر فيك وأعشقك

يكون جزائي الأنتقام

فاكرة أيام زمان

 كنا نبض واحد قلب واحد

تحس بيا بدون كلام

تستني اللحظة م بينا

نسرق من الدنيا المحبة

ندوب فيها حب و هيام

 تحكي ليا كل حاجة

بدون خجل وبينا وئام

اسمع صوت أنينك

يبكي قلبي عليك

ويقول والله حرام

ايدى تمسع دمعتك

وأبني قصر عالي من الأحلام

ليه دلوقتي نسيتي دنيتي

ليه مستخسرة حتى السلام

معقولة تكوني نسيتي حبنا

طيب واللي كان دا إيه؟!!!!

 .. أوهام ...... أحلام .....

والا تسالى بقلب محروم م الغرام

يعني عشت عمري كله

 أعشق سراب ......

أضحك علي نفسي وأقول أفلام

والا تكوني عشقتي غيري

وتهتي مني في الزحام

تحكي له نفس الحكاية

ويبقي قلبه هو المرام..

وأبقي ذكرى مرت وفاتت

تفتكريها وتضحكي من الآلام

إنك خنت قلب عاشق

أنت فرحه وأنت جرحة بات حطام

بس أوعدك يا حب غالي

راح امحي حبك من قلب حبك

واعلمه ما يصدق كلام الغرام

*******************************

بقلم / مصطفي كرم

***  Mostafaa Karm ****

Commentaires

Enregistrer un commentaire