العابد عبد الرحيم // الكنز

/= الكنز =/
  =======

كنز  اذهب صافي
حب من  قلبي نابع
بلارة تخطف العين
لؤلؤة جوهر رباني
وحدة  زينة  تفتن
وحدة باهية اتهبل
العاقل فينا ايخمم
تمشي ترجع ترحل
تتهد الذات تتمحن
كلمة من كلام رازن
شفتها بلاد محبوبة
شفتها بلاد مجذوبة
----------------------------------
ارجعت الخاطري انسول
على ايام  سارت  امشات
على ربيع جاح وقت النبتة
على رباعة واش من رباعة
سايرة  مع  لهوى في هواه
---------------------------------
يا قنديل بلا زيت
يا شمعة بلا فتيلة
--------------------------------
زيد في ظلام البيت عتمة
يا رباعة  يا  حاكمة الزمان
يا طير  في  قفص  ساكن..
يا حرية   ما  عندها  بداية
يا  حرية  امشكلة  باشكال
الحس عندو قيمة  او شان
يا رامي  بلا  اسلاح  اتقاتل
يا  ناس كممنا  كل  الافواه
يا  الغادي  و الغوت  اوراه..
-----------------------------------
راه  الباقي  فالكاعة  خوذوه
راه الصمت  ساكن  فالضلوع
راه العين عمية  اقلع الجدور
يبقى حبي فالقلب  نابع حي
--------------------------------------------
يا مولاي انحييوك جماعة جماعة
خذ انفاسنا  نفس  نفس  بافتخار
لابد  انزعزع  الجبل  يهتز  اينادي
يا عالم  ردد القول ردد كلمة  كلمة
العز  بالعز  النخوة  بالنخوة كرامة
يا عالم  ردد  معي كلمة  مسموعة
 بصوت  مرفوع......  يلعن الخونة
-------------------------------------------

العابد عبد الرحيم: 05/12/2018
ملهمتي الفقيه بن صالح.