احمد حسين // مبستسلمش

مبستسلمش
فى كل مكان بقيت لابس
مجرد وش
وأمثل دورى بالميلى
وثابت صوتى و بعلى
جرئ مبخافش
محدش يعرف إنى جبان
بعيش فرعون ومش إنسان
ومهما قابلت مالدنيا
مبتألمش
مع التدريب
بقيت بارع بوش غريب
ميتبدلش
و وشى الأصلى جوايا
دفنته بإيديا ف مرايا
مبتبينش
ملوش لازمة

خلاص هنساة
مفيش غير الجراح جواة
ومتعلمش
بيضعف من جديد دايما
لا يمكن أمشى بيه أبداً
دا مبينفعش
.....................................
أحمد حسين