محمد حسنين // فاكرين

فاكرين
عيد مصر وعيد حريتها
عيد اولادها اولاد شرطتها
الداخليه الناس حبيبتها
من يوم الاسماعليه ووقفتها
انا مش ح انحاز
عيدهم يوم انجاز
عملوا فيه اعجاز
وضحوا بناس عزاز
في الاسماعليه
كان يوم للفدائيه
عنوان للتضحيه
واستمرار للرجوله والعطاء
وزياده الوطنيه والانتماء
فالشارع عساكر وظباط وامناء
موجودين
في اي مشاده بين اتنن
في اي زحام بين او بين
فالبرد وعز الصيف واقفين
يحموك ويحموني عاملين كامين
فالاعياد سايبين بيوتهم دايرين
ع الجوامع فالكنايس صاحيين
بيضحوا بروحهم ولا كالين
شايفين
هم اولادنا واخواتنا والاهالي
فيهم حبايبنا وكتير منهم غالي
ضحي بحياته عشنا ومات
وكام عبوه وكتير تفجيرات
منورين
الشكر ليهم في عيدهم
نرد ليهم جميلهم
ورده وببتسامه نهديهالهم
كلمه حلوه عن سهرهم
سلم عليه وضمه عوضهم
فاكرين لما عشنا من غيرهم
عملنا لجان وفقدنا الامان
كان يوم اسود من السواد
غار راح ماعاد ينعاد
اصعب لحظه ف حياتي
السجون والمراكز دخان رماد
صارت فوضي فالشوارع
وزحام ولا نازل ولا طالع
وبلطجيه تقول خلاص ياحكومه
احنا عفاريت وماعدتشي ملمومه

فاكرين
النهرده في عيدهم نحييهم
وبنجدد ثقتنا وحبنا فيهم
احنا في خدمتنا نخليهم
في خدمتنا شرف ليهم
حياتنا وراحتنا واجب عليهم
في عيدهم تعظيم سلام ليهم
بالرئفه عاملونا تحكمونا
بكلمه حلوه تملكونا
بس اوعوا تاني تسيبونا
جينالكم في عيدكم حبناكم حبونا
مافيش شرطه بدون شعب
وبرضه في خدمة الشعب
ليكم منا كل الحب
 احترمني اديك كل الحب
وارسملك ورده حمره وقلب
انت ابني واخويه وابويه وعمي
وجاري وصاحبي وهمك هو همي  وامك هي امي
فالشارع فالجامع فالبيت
مافيش فرق بينا شرطه وشعب
فاكرين
الشرطه في خدمة الشعب
بقلمي
محمدحسنين
عاشق طين بلدي