صبري حسين / الكلمة امانة

(الكلمة)  كلمات/صبري حسين
الكلمة امانة
شرف الرجل كلمة
كلمة يقدر يقولها
تخرج في وقتها
تتحط في مطرحها
الكلمة غالية
مش اي حد يقدرها
في ناس بتوزنها بالماس
واكترهم  بيتكلم وخلاص
الكلمة لما تكون خارجة من القلب
بتسكن جوة القلب
ياللي بتعرف ترسم بالكلمة
وتوضح في صورتك كل التفاصيل
بتبين الضحكة اللي طالعة من جوة
والدمعة اللي مخنوق علي العين
حروفك دي الوان
فيها اللي بيوصف الحنان
وفيها اللي بيبكي من الاحزان
حرف بيشكي من الحنين
وحرف بيتكلم عن الغربة اللي بقالها سنين
وحروف مبعترة
كل حرف في ناحية
عايزة اللي يجمعها
ويوصلها ببعضها
لاجل ما تقدر تعبر عن نفسها
حرف بيضحك علي اول السطر
وحرف لسه مستنظر القطر
وقطر الحياة ماشي عمره مااستني حد
ياصاحب الكلمة خليك علي العهد
اتكلم براحتك ولا يهمك حد
طول مانت بتتكلم بالاصول وفي الجد
يبقي كلامك هايعبر كل الحدود
الكلمة الطيبة لا تعرف قيود
الكلمة وعد وعهد
ولا في حد يقدر الوعود
زي اصحاب  الكلمة
عارفين ان شرف الرجل كلمة
الكلمة امانة
الكلمة رسالة
حافظ علي الكلمة
اوزن كلامك
قبل مايطلع علي لسانك
الكلمة اللي بتخرج
عمرها ما تعود
خلي كلامل في عطر الورود
خلي كلامك باقي بقاء الوجود
الكلمة اغلي مافي الحياة
حافظ عليها
اوعي تستهون بيها
رب الوجود قال في التنزيل
الكلمة الطيبة
شجرة طيبة
اصلها ثابت وفرعها في السماء
الكلمة وآه  من الكلمة
يارب نعرف قيمة الكلمة
الكلمة امانة
الكلمة رسالة
شرف الرجل كلمة
صبري حسين